Boekresensies a h van zyl (hoofred), die bybel verklaar (1983-vertaling) lux verbi, kaapstad 1993, 457 pp. prys r139,00. in hierdie uitgawe vind ons die verklarings wat oorspronklik uitgegee is saam met die bybelteks onder die titel verklarende bybel. in hierdie boek is die verklarings afsonderlik uitgegee maar in ’n groter en dus makliker leesbare druk. soos bekend bet al die bekendste teoloë in ons land deelgeneem aan hierdie groot werk waarin al die bybelboeke kortliks verklaar word. in ’n kort inleiding word die verskillende eenhede waarin die bybel onderverdeel kan word, opgenoem. daarna volg ’n chronologiese lys van gebeure in die ou-testamentiese en nuwe-testamentiese tydperke. daar word ook aandag gegee aan die vraag hoe die bybel beter verstaan kan word naamlik dat eers bepaal moet word watter literatuursoort ’n bepaalde boek is, hoe dit verklaar moet word en die vraag wat dit vir die oorspronklike lesers of hoorders beteken het. daar is tien baie nuttige kaarte en dan volg die verklaring van elke bybelboek. ter inleiding word kortliks rekenskap gegee van die ontstaan, outeur, indeling en boodskap van elke boek. daar word duidelik van die nuutste navorsing oor die bybel rekenskap gegee en die leser kan verseker weet dat die belangrikste menings in die versverklarings te vinde is. oor die algemeen is ons dankbaar dat die verklarings apart uitgegee is in die groter druk en mens kan alleen die hoop uitspreek dat die werk vir baie mense tot groot seen sal wees. c f a borchardt